ព័ត៌មាន
​ឯកឧត្តម​ ជា​ ចាន់​តូ​​ ទេសាភិបាល​ ធនាគារជាតិ​នៃ​កម្ពុជា​ ទទួល​ជួប​សម្តែង​ការ​គួរសម​និង​ពិភាក្សា​ការងារ​ជាមួយ​ប្រតិភូ​ធនាគារ​ មេ​ហ្គា​ អ៊ិ​ន​ធើ​ណេ​សិន​ណ​ល​ ខម​មើ​សល​ តៃវ៉ាន់​ ដឹកនាំ​ដោយ​ លោក​ Tsai​ Yeou-Tsair
០៥ កុម្ភៈ ២០១៥

​នៅ​ថ្ងៃ​ទី​៥​ ខែកុម្ភៈ​ ឆ្នាំ​២០១៥​ វេលា​ម៉ោង​៩:០០​នាទី​ព្រឹក​ ​ឯកឧត្តម​ ជា​ ចាន់​តូ​​ ទេសាភិបាល​ ធនាគារជាតិ​នៃ​កម្ពុជា​ បាន​ទទួល​ជួប​សម្តែង​ការ​គួរសម​និង​ពិភាក្សា​ការងារ​ជាមួយ​ប្រតិភូ​ធនាគារ​ មេ​ហ្គា​ អ៊ិ​ន​ធើ​ណេ​សិន​ណ​ល​ ខម​មើ​សល​ តៃវ៉ាន់​ ដឹកនាំ​ដោយ​ លោក​ Tsai​ Yeou-Tsair​ អគ្គនាយក​ធនាគារ​ ។​ ក្នុង​ឱកាស​កិច្ចប្រជុំ​នេះ​ លោក​អគ្គនាយក​ធនាគារ​បាន​ជម្រាប​ជូន​ ឯកឧត្តម​ ទេសាភិបាល​ ពី​ការ​រីក​ចម្រើន​នៃ​អាជីវកម្ម​របស់​ធនាគារ​ មេ​ហ្គា​ ទាំង​នៅ​ក្នុង​ប្រទេស​កម្ពុជា​ និង​ក្នុង​តំបន់​ ព្រមទាំង​យុទ្ធសាស្ត្រ​អភិវឌ្ឍន៍​សម្រាប់​ពេល​អនាគត​ ។​ ជាមួយ​គ្នា​នេះ​ ឯកឧត្តម​ ទេសាភិបាល​ បាន​ថ្លែង​ការ​កោតសរសើរ​ចំពោះ​ការ​រីក​ចម្រើន​របស់​ធនាគារ​នេះ​ និង​បាន​ស្នើ​សុំ​ឲ្យ​ធនាគារ​គោរព​តាម​ច្បាប់​និង​បទបញ្ញត្តិ​ប្រុង​ប្រយ័ត្ន​នានា​ ព្រមទាំង​ពង្រីក​អាជីវកម្ម​របស់​ខ្លួន​ទៅ​កាន់​វិស័យ​សំខាន់ៗ​នៃ​សេដ្ឋកិច្ច​កម្ពុជា​ ដើម្បី​រួមចំណែក​គាំទ្រ​ការ​អនុវត្ត​យុទ្ធសាស្ត្រ​ចតុកោណ​ និង​ផែនការ​យុទ្ធសាស្ត្រ​នានា​របស់​រាជរដ្ឋាភិបាល​ ។​