១៣ ឧសភា ២០១៥
ឯកឧត្តម ជា ចាន់តូ ទេសាភិបាល ធនាគារជាតិនៃកម្ពុជាបានដឹកនាំគណៈប្រតិភូ ទៅចូលរូមសន្និសីទថ្នាក់ទេសាភិបាលនៃធនាគារកណ្តាលប្រទេសនិយាយភាសាបារាំង (Francophone) លើកទី២២ ក្រោមប្រធានបទ “ធនាគារកណ្តាលនិងហានិភ័យ” ចាប់ពីថ្ងៃទី១៣-១៥ ខែឧសភា ឆ្នាំ២០១៥ នៅទីក្រុង Fort-de-France កោះម៉ាទីនីក ប្រទេសបារាំង ។
សន្និសីទនេះជាវេទិកាដ៏សំខាន់សម្រាប់ធនាគារកណ្តាលប្រទេសហ្វ្រង់កូហ្វូន ដើម្បីជួបពិភាក្សានិង ផ្លាស់ប្តូរយោបល់ ពីស្ថានភាពសេដ្ឋកិច្ចសកលនិងតំបន់ ការប្រឈមថ្មីៗនិងការពង្រឹងប្រសិទ្ធភាព ដឹកនាំធនាគារកណ្តាល ។ សន្និសីទនេះក៏បានផ្តល់ឱកាសដល់ថ្នាក់ដឹកនាំប្រទេសជាសមាជិករឹតចំណងមិត្តភាព និងពង្រឹងកិច្ចប្រតិបត្តិការក្នុងក្របខ័ណ្ឌទ្វេភាគីនិងពហុភាគី ឲ្យកាន់តែរឹងមាំថែមទៀត ។
