ពិធី​ចុះហត្ថលេខា​លើ​កិច្ចព្រមព្រៀង​កម្មវិធី​ ភាព​ជា​ដៃគូ​ផ្តល់​ចំណេះដឹង​រវាង​ ធនាគារជាតិ​នៃ​កម្ពុជា​ ជាមួយ​ធនាគារកណ្តាល​កូរ៉េ​
១១ ឧសភា ២០១៦

នៅថ្ងៃទី១១ ខែឧសភា ឆ្នាំ២០១៦ ធនាគារជាតិនៃកម្ពុជាបានរៀបចំពិធីចុះហត្ថលេខាលើកិច្ចព្រមព្រៀងកម្មវិធីភាពជាដៃគូផ្តល់ចំណេះដឹងជាមួយធនាគារកណ្តាលកូរ៉េ ក្រោមអធិបតីភាព លោកជំទាវ នាវ ច័ន្ទថាណា ទេសាភិបាលរងនៃធនាគារជាតិនៃកម្ពុជា ។ ចូលរួមក្នុងកម្មវិធីនេះ មានថ្នាក់ដឹកនាំនិងមន្ត្រីជំនាញរបស់ធនាគារជាតិនៃកម្ពុជា គណៈប្រតិភូមកពីធនាគារកណ្តាលកូរ៉េ និងសាកលវិទ្យាល័យ Yonsei នៃប្រទេសកូរ៉េ ។ កម្មវិធីនេះជាជំនួយបច្ចេកទេសរបស់ធនាគារកណ្តាលកូរ៉េក្នុងការពង្រឹងសមត្ថភាពមន្រ្តីធនាគារជាតិនៃកម្ពុជាលើការវិភាគម៉ាក្រូសេដ្ឋកិច្ច និងការព្យាករណ៍អតិផរណា ។